சந்தீப்பு

ஜென்மங்கள்

கழிவு என்று

கால் விலக்கி நடந்து

கழிவு உண்டு

பயிர் தந்து உணவை

அமுதென ருசித்து

இழிவு என்று

சாதி பார்த்துக் கடந்து

அவன் தந்த வியர்வையை

பணமாக்கி ரசித்து

உன் பிள்ளை

உன் பெண்டு

உட்பட உனக்கும்

எப்படி வேண்டுமானாலும்

அமையக் கூடும் மறுஜென்மம்.

*****

சந்தீப்பு

வாஞ்சையோடு

அனைத்து முத்தமிடும்

அத்தையைப் பார்க்கச் சென்றிருந்த போது

தீக்குளித்திருந்தாள்.

*****