கனவெனும் ஜென்மம்
கனவுகளுக்கு
முன் பின் தெரியாது
அர்த்தங்கள் கிடையாது
காலச் சக்கரத்தை
சுக்கு நூறாக்கிச் சுழல்கின்றன
அதன் காட்சிகள்
பால்யத்தின் கனவொன்றில்
வயதான கிழவன் போல
கிழப் பருவத்தில் ஒரு
குழந்தையைப் போல
பரீட்சை நாள்களில் பெயிலாவது
போல
தன் இஷ்டத்துக்கு
கலைத்துப் போடும் சீட்டுகள்
கனவுகளிடம்!
ஜோக்கர் ஆவதும், குயின்
ஆவதும்
சீட்டை மாற்றிப் போட
கனவுக்குக் கண நேரம்
ஆகாது
உயிரோடு உறங்குபவர்களைப்
பிணமாக்கும் கனவு
வந்து போகும்
விழித்து உயிரோடு இருப்பதை
உணர்வதும்
விழிப்பதற்குள் உயிர்
போவதும்
இன்னொரு கனவே!
*****
No comments:
Post a Comment