குழந்தை வாகனம்

குழந்தை வாகனம்

ஊரெல்லாம் சுற்றியது மறந்திடுமோ?

பள்ளம் மேடு ஏறிய பாதைகள் மறந்திடுமோ?

ஆணியும் கம்பியும் உடல் கிழித்தது மறந்திடுமோ?

தேய்ந்து கிடக்கும் டயர்

பணி நிறைவு கொண்டு

அந்திமக் காலத்தில் நிற்க நேரமின்றி

கை மாறி, கை மாறி

ஓடிக் கொண்டிருக்கிறது

குழந்தை வாகனமாய்.

*****

வசதி

தூரத்தே இருந்த

அந்த ஒற்றைக் கம்ப

விளக்கு வெளிச்சம்தான்

தடையாக இருந்தது.

"பொட்" என்ற உடைந்தது

இருள்திரை விழுந்தது

பட்டைச் சாராயம் குடிக்கவும்

காமம் செய்யவும்

வசதியாக.

*****