வாசல்
நான் ஒரு மாதிரியாக எழுதலாம்
நான் எழுதாத மாதிரியும்
நீங்கள் புரிந்து கொள்ளலாம்
எழுத்திற்கு இரண்டு வாசல்கள்
உண்டு
நீங்கள் எந்த வாசல் வழியில்
வேண்டுமானால் வாருங்கள்
வந்த பின், வெளியேறும்
வாசல் ஒன்றுதான்
வெட்டவெளி என்பது அந்த
வாசலின் பெயர்.
*****
நேரம் ஒரு கேடு
கோழியிருந்தால்
அதிகாலை ஒலிப்புச் சத்தம்
கேட்டிருக்கும்.
நாள்களை எண்ணிக் கொண்டிருக்கும்
பிராய்லர் கோழிகளுக்கு
அதிகாலையும் தெரிவதில்லை
அந்தி மாலையும் தெரிவதில்லை.
நேரங்கெட்ட நேரத்தில்
சாகுபவைகளுக்கு
நேரம் ஒரு கேடோ
என்ற ஒரு நினைப்பிருக்கக்
கூடும்.
*****
No comments:
Post a Comment