பேருந்து நினைத்தால்...
வருவதற்கு முன்னே
சென்று விடுகின்றன
காத்திருக்க வைத்து வருகின்றன
தளும்பி வழியும் கூட்டத்தில்
ஏற முடியாமல் செய்து
விடுகின்றன.
பேருந்து நினைத்தால்
எதையும் செய்யும்
ஏற்றிச் செல்லவும் செய்யும்
ஏற்றிச் செல்லாமல்
கூனிக் குறுகி நிற்க
வைத்து
கொல்லவும் செய்யும்.
*****
வாழ்வு
பல நாள்
பத்திரமாக வாழ்ந்தது
என்றுதான்
சொல்ல வேண்டும்
சோசியம் சொன்ன
கூண்டுக்கிளி.
*****
No comments:
Post a Comment