முட்டையா? கோழியா?
அந்தக் கோழியை
அடித்துச் சாப்பிடாதிருந்தால்
இன்று அது இடும்
முட்டையில் ஆம்லெட் சாப்பிட்டிருக்கலாம்.
அந்த முட்டையை
ஆம்லெட் இடாதிருந்தால்
முட்டை குஞ்சாகி
குஞ்சு கோழியாகி
கோழியைச் சாப்பிட்டிருக்கலாம்.
எதைச் சாப்பிடாமல் விடுவதாம்,
கோழிக்காக முட்டையையா?
முட்டைக்காகக் கோழியையா?
*****
பூச்சு
மகளின் சாம்பலை
அஸ்தியில் வைத்து
விபூதியை அள்ளிப் பூசிக்
கொண்டார்
சாதி மாறி கல்யாணம்
செய்து கொண்டதற்காக
மகளை எரித்த
அப்பா அகோரசிவன்.
*****
No comments:
Post a Comment