உயர்வு
கல்லெறிந்தால்
அலை அலையாய்ப் பூ பூக்கலாம்
என்று காத்திருந்த குளம்
அடுத்தடுத்து விழுந்த
கற்களால்
உயர்ந்து கொண்டே போனது
அபார்ட்மெண்டாய்.
*****
குத்தல்
ரவிக்கைக் கிழிசலை
அண்ணனின்
பழையை சட்டையைப் போட்டு
மறைத்துப் போகும் தங்கைக்கு
எதிர்வீட்டுச் சின்னானின்
சீண்டலும்
பெரிய வீட்டுப் பாண்டியின்
பார்வையும்
குத்தும் உறுத்தலின்றி
சுமக்க வைக்கிறது
கருவை முற்கள் நிறைந்த
விறகுக் கட்டை.
*****
No comments:
Post a Comment