பாவம் அவர்களை விட்டு விடுங்கள் மக்களே!
இந்த மக்களுக்கு ரொம்பதான் பேராசை. அரசியல்வாதிகள்
தங்களைக் காப்பாற்ற வேண்டும் என்று ரொம்பவே எதிர்பார்க்கிறார்கள்.
இப்போது இருக்கும் சூழ்நிலையில் அவர்கள்
ஒவ்வொன்றையும் காப்பாற்ற எவ்வளவு போராடிக் கொண்டிருக்கிறார்கள் தெரியுமா?
கொள்ளை அடித்தப் பணத்தை ரெய்டுகளிலிருந்து
காப்பாற்ற வேண்டியிருக்கிறது.
ஆட்சி பறிபோகாமல் குதிரை பேரங்களிலிருந்து
காப்பாற்றிக் கொள்ள வேண்டியிருக்கிறது.
எந்த நேரம் தன்னை இன்னொரு அரசியல்வாதி
முந்தி விடுவானோ என்ற பதற்றத்தில் தன்னைக் காப்பாற்றிக் கொள்ள வேண்டியிருக்கிறது.
மேலிடங்களைத் திருப்தி செய்து கொண்டு
பதவிகளைக் காப்பாற்றிக் கொள்ள வேண்டியிருக்கிறது.
ஆட்டையைப் போட்டு எஸ்கேப்பாகி விடும்
பினாமிகளிடமிருந்து சேர்த்த சொத்தைக் கவனமாகக் காப்பாற்றிக் கொள்ள வேண்டியிருக்கிறது.
தங்கள் சொந்த பந்தங்கள், சாதி சனங்களுக்குப்
பதவிகள், வேலைகள் வாங்கிக் கொடுத்து அவர்களைக் காப்பாற்ற வேண்டியிருக்கிறது.
எவரேனும் நீதிமன்றத்தில் வழக்குத் தொடர்ந்தால்
அதிலிருந்து சாமர்த்தியமாக காப்பாற்றிக் கொள்ள வேண்டியிருக்கிறது.
பாவம் அவர்கள்தான் என்ன செய்வார்கள்? இவ்வளவையும்
காப்பாற்றிக் கொண்டு அவர்கள் மக்களையும் எப்படிக் காப்பாற்றுவார்கள்? அரசியல்வாதிகள்
பாவம் மக்களே! அவர்களை விட்டு விடுங்கள்! உங்களை நீங்களே காப்பாற்றிக் கொள்ளுங்கள்!
*****
No comments:
Post a Comment