முச்சந்தி கறிக் கடை

முச்சந்தி கறிக் கடை

முச்சந்தியின் இடது ஓரத்தில்

பைசல் கோழிக் கறிக் கடை உள்ளது

வலது ஓரத்தில்

நான்கு கடைகள் தாண்டிச் சென்றால்

ராவுத்தர் ஆட்டுக்கறி கடை உள்ளது

முச்சந்தி பிரியும் இடத்தில்

முருகேசன் காடைக்கறி கடை உள்ளது

முச்சந்தியில் அவ்வபோது

ஒரு மனித கறிக்கடை உருவாகி

கெளரவக் கொலைகள் என்ற பெயரில்

சாதி மாறி மணம் செய்து கொண்டவர்களை

ஊரே பார்க்க

துடிக்கத் துடிக்கப் பொலி போடப்படுவதும் உண்டு.

*****