வழி என்பது...
பிரிய மனமில்லை
வழியனுப்புவதைத் தவிர
வேறு வழியில்லை
வருடத்தில் இரண்டு நாள்கள்
வந்து தங்கிச் செல்லும்
பேரன் பேத்திகளை
அந்த இரண்டு நாட்கள்
முடியும் வேளையில்!
*****
ஏலாத பொழுதுகள்
பிரிவென்பது உணர்ந்தால்
பிரிய மறுப்பாய்.
வலியென்பது உணர்ந்தால்
தாங்க மறுப்பாய்.
எல்லாம் நிகழ்த்தி விட்டு
கைகொட்டிச் சிரிக்கும்
சந்தர்ப்பங்களை என் செய்வாய்
எதுவும் செய்ய ஏலாத
என் அன்பே?!
*****
No comments:
Post a Comment