தோன்றாமல் போனது
கை நீட்டி வந்த உனக்கு
ஒரு தேநீர் வாங்கிக்
கொடுத்திருக்கலாம் என்று
தோணவே இல்லை
ஐந்து ரூபாய் எடுத்துப்
போடத் தெரிந்த எனக்கு!
*****
இன்றைக்கு அவ்வளவுதான்!
ரெண்டு கூடை
மக்கும் குப்பை
அரை கூடை
மக்காத குப்பை
அதைத் தொடர்ந்து
ஒரு குழந்தை
இன்றைக்கு அவ்வளவுதான்
என்பது போல
விழுந்தது
அந்தக் குப்பைத் தொட்டியில்!
*****
அழகு
"பூம்பூம் மாடுன்னா
ரொம்பப் பிடிக்கும்!"
என்று
தலையாட்டினாள்
அம்முக்குட்டி
பூம்பூம் மாட்டை விட
அழகாக!
*****
No comments:
Post a Comment