இடம்
என் முதல் தனிமை
அங்குதான் ஆரம்பமானது
என்ற இடத்தில்
பரபர ஷாப்பிங் காம்ப்ளக்ஸ்
இருக்கிறது.
நண்பர்கள் கூடிப் பேசிய
தென்னந்தோப்பில்
செல்போன் டவர் இருக்கிறது
எவரெவர் பேச்சுகளையோ
அனுப்பியபடி.
நான் பார்த்த இடம் என்று
நினைவுக்கு வரும்
எல்லாவற்றையும்
ஊடுருவ முடியாதபடி
மூடியிருக்கின்றன
காங்கிரீட் உறைகள்.
*****
தெரிந்து தெரியாதவன்
யாதும் ஊரே
என்றான்
பக்கத்து வீட்டில் இருப்பவனின்
பெயர் தெரியாத
பேஸ்புக் நண்பன்.
*****
No comments:
Post a Comment