தெரிந்ததும், தெரியாததும்
வீட்டைத் தாண்டி
எதுவும் தெரியாது அம்மாவுக்கு.
வாடி வரும் முகத்தைக்
கொண்டே
யார் யாருக்கு
என்ன நடந்தது என்று
அத்தனையும்
சொல்லி விடுவாள்.
*****
எச்சரிக்கை
தூரத்தே வருகையில்
ஹாரன் சத்தம் கேட்டும்
கிட்டத்தே வருகையில்
பளீரென ஒளி வந்தும்
அடிபட்டுச் சாகிறது
சாலையில் ஒரு ஆமை.
*****
குத்தம்
முள்ளை விட
அதிகம் குத்தியது
முள்வாங்கி.
*****
No comments:
Post a Comment