அழுது தீரடா

அழுது தீரடா

உன் மின்சாரத்தை

வாங்கிக் கொண்டுதான்

மெழுகுவர்த்திக் கொடுக்கிறான்

பக்கத்து மாநிலக்காரன்

‍அது போல அழுது தீரடா

ஆற்றாமை தீர

உனக்கு இப்படியெல்லாம்

வரும் சோகம் தீர்ப்பதெனவே

உன் மாநிலத்துக்காரன்

திறந்த வைத்து இருக்கிறான்

டாஸ்மாக்

நன்றாக குடித்து விட்டு

வீதியில் சுருண்டு கிடடா

வீதியில் இறங்கிப் போராடாத என் தோழா!

உன்னைத் தூக்கி வருவதற்கென

உன்னைத் தூக்கிச் சுமப்பதற்கென

இருக்கிறாள்

நீ தாலி கட்டிய தர்மபத்தினி

கால்சிலம்பை விற்றுக் குடிக்கும்

கோவலன்களுக்காகக் காத்திருக்கும்

கண்ணகி போல!

*****