ருசி
ஒவ்வொரு லட்டாய்ப்
பார்த்துக் கொண்டு இருக்கிறான்
சின்ன கண்ணன்
திருடித் தின்ற
லட்டின் ருசி
எந்த லட்டில்
இருக்கும் என்று!
*****
ஒற்றை
வாரத்திற்கு இரண்டு
நெற்றுத் தேங்காய்களைத்
தள்ளி விடும்
பின் காய்த்துக் கொள்ளும்
எப்போதேனும்
மரமேறி திருடிக் கொண்டாலும்
எதுவும் சொல்லாமல்
காற்றில் அசைந்து கொண்டிருக்கும்
மனித வாடையை நுகர்ந்து
விட்ட
பெரும் திருப்தியோடு
பறிப்பார் இலாத
பக்கத்து வீட்டு
ஒற்றைத் தென்னை மரம்!
*****
No comments:
Post a Comment