காத்திருப்பு
ஏதோ ஒரு நாளில்
எங்கோ ஒரு இதழில்
ஒரு கவிதை பிரசுரமாகும்
என்ற நம்பிக்கையில்
எழுதி எழுதி மாய்ந்துப்
போகிறான்.
பிரசுரமாகும்
அந்த ஒரு கவிதைக்குக்
கிடைத்த அதிர்ஷ்டம்
மற்ற கவிதைகளைக்
கூனி குறுகச் செய்கிறது.
அதிர்ஷ்டம் இல்லாமல்
தங்களைப் பெற்றெடுத்த
கவிஞனை
அவகைள் திட்டித் தீர்க்கின்றன.
எதுவும் தன் காதில் விழாதது
போல
பிரசுரமான அந்தக் கவிதைக்கான
சன்மானம் எப்போது வரும்
காத்திருக்கத் தொடங்குகிறான்
அந்தக் கவிஞன்.
*****
No comments:
Post a Comment