வெறுமை

வெறுமை

அதில் எதுவும் இல்லை

எதையாவது நுழைக்கப் பார்க்கிறார்கள்

நுழைப்பதை நுழைத்து விட்டு

அங்கு எதுவும் இல்லை என்று

கற்பூரத்தை அணைத்துச்

சத்தியம் செய்கிறார்கள்!

*****

கனவுகள்

டாக்டர் கனவுக்காகவும்

இன்ஜினியர் கனவுக்காகவும்

பகலில்

இரவில்

விழித்துக் கிடந்தவர்கள்

நிஜ கனவுக்காக

ஆசையோடு தூங்கத் தொடங்க,

சத்தமிட்டு

எழுப்பத் துவங்கியது

விழிக்க வைக்கும்

அலாரம்.

*****

முடிவில்

அவர்கள்

புணர்ந்து முடித்த பின்

கீறிச்சிட்டபடியே

சுழன்று கொண்டிருந்தது

மின்விசிறி

முழுதும் நிறைவேறாக காமத்தை

உரக்கக் கத்துவது போல!

*****