முடிவு
பேரம் படிந்த பின்
முடிவுக்கு வருகிறது
ஆசையோடு வளர்த்த
ஆட்டின் வாழ்வு!
*****
தட்டிப் பறித்தல்
முடமான ஒருவனும்
குருடான ஒருவனும்
தள்ளாத கிழவன் ஒருவனும்
இடை நிற்க
தட்டிப் பறித்து விட்டுப்
போய் விடுகிறார்
உண்டியல் வைத்து
வீற்றிருக்கும்
கடவுள்!
*****
தடம்
நதியோடிய தடத்தை
நினைவுபடுத்தி
ஓடிக் கொண்டிருக்கிறது
சாக்கடை!
*****
தங்களது மேலான கருத்துகளுக்கும், ஆலோசனைகளுக்கும் coimbatorev6@gmail.com
No comments:
Post a Comment