அடையாளம்
அங்கிருந்த குளத்திற்கு
அடையாளம்
அதன் மேல் நிற்கும்
பேருந்து நிலையம்!
*****
கனவு
மரம் நடும் கனவு
நிறைவேறியது
போன்சாய் மரம் ஒன்றை
வாங்கி வைத்தப் பிறகு!
*****
பெருமழை
எதிர்பாராமல் பெய்யும்
பெருமழையைப் போல
நனைத்து விடுகிறது
எப்போதாவது
எதிர்பாராமல் கிடைக்கும்
ஒரு குழந்தையின் முத்தம்!
*****
தங்களது மேலான கருத்துகளுக்கும், ஆலோசனைகளுக்கும் coimbatorev6@gmail.com
No comments:
Post a Comment