பிக்சிங்
"மேட்ச் பிக்சிங் நடந்திருக்குற மாதிரி தெரியுது!"
என்றார் ரிப்போர்ட்டர் குப்தா. "நடக்கலன்னு
நியூஸ் போடச் சொல்லி நாப்பது எல் வந்திடுச்சு!" என்றார்
சீப் எடிட்டர் மிஸ்ரா.
*****
நிவாரணம்
வெள்ள நிவாரணம் வழங்கப்பட்ட பின், தன்
வீட்டை இன்னும் இரண்டு மாடிகள் உயர்த்திக் கொண்டார் தலைவர்.
*****
படிப்பு
மேற்கொண்டு பணம் கட்டிப் படிக்க முடியாமல் படிப்பை பாதியிலே நிறுத்திக்
கொண்டான் எல்.கே.ஜி.
படித்துக் கொண்டிருந்த மகன் அஷ்வந்த்.
*****
ஒத்தடம்
பிரம்பால் அடித்த ஆசிரியர் வீடு திரும்பியதும், ஒத்தடம் கொடுத்துக் கொண்டார் தோள்பட்டைக்கும்,
முதுகுக்கும்.
*****
மூடு
"அப்பவே காபியை மூடி வைக்கச் சொன்னேனே!"
என்று மனைவியைத் திட்டிய கோவிந்தராஜனுக்கு செல்பேசி அழைப்பு வந்தது.
"சார்! நம்ம கிரெளண்ட்ல போட்டிருந்த ஆழ்துளை
குழாய்ல குழந்தை ஒண்ணு தவறி விழுந்திடுச்சு!"
*****
No comments:
Post a Comment