அடம்
மிச்சம் மீதமிருந்த காசில் மகன் ஆசையாய்க் கேட்ட பீட்சாவை வாங்கி வந்த
பின், அடம் பிடித்தான் மகன், "எனக்கு
ஊத்தப்பம்தான் வேணும்!"
*****
அருள் வாக்கு
கைதான் சாமியார் ஜெயிலருக்குச்
சொல்லிக் கொண்டிருந்தார் அருள் வாக்கு!
*****
பலி
கிரானைட் குவாரி வெட்ட அனுமதி கிடைத்ததும், ஆட்களைத் தேடி அலைந்து கொண்டிருந்தான் நரேன் நரபலி கொடுக்க!
*****
செயல்
சுத்தம், சுகாதாரம் பற்றி நீண்ட
நேரம் பேசி விட்ட வந்தவர்களுக்கு காபி போட, பால் பாக்கெட்டைப்
பல்லால் கடித்துப் பிய்த்தாள் நந்தினி.
*****
குடி
குடிகார கணவன் கருணாவைச் சமாளிக்க முடியாத விரக்தியில் குடிக்க ஆரம்பித்தாள்
லலிதா.
*****
No comments:
Post a Comment