என் சமகால கொசுவும் சமகால நானும்!

என் சமகால கொசுவும் சமகால நானும்!

மழை பெய்யத் தொடங்கினால்

கூடவே வந்து விடுகிறது

கொசுவின் ஞாபகம்

இது எந்த மழையில் பிறந்த

டெங்கு கொசுவோ

அவ்வளவு புள்ளிகள்

*****

எவ்வளவு பிடிஎப்பு(PDF)கள்

திறந்து படிக்கத்தான் நேரமில்லை

வரிசை கட்டி வந்து கொண்டிருக்கின்றன யூடியூப்புகள்

*****

அந்தக் காதல் தேய்ந்துவிட்டது

இப்போதெல்லாம் சில வார்த்தைகள்

அதுவும் இல்லாத போது மௌனம்

நான்தான் காதலில் விழுந்தேனா

என்று நம்ப முடியாத கணங்களில்

கொஞ்ச கொஞ்சமாய்த் தேய்ந்து

முடிவில் மறந்து போகிறது காலம்

*****

உன் குற்ற உணர்விலிருந்து

தப்பித்துக் கொள்ள

எப்படி வேண்டுமானாலும்

மாறிக் கொள்வாய் மற்றும் மாற்றிக் கொள்வாய்

சிக்கிக் கொள்வது

சமாதானம் செய்ய வரும் நான்

*****