அப்படியே இருந்து கொள்ளலாம்

சுழற்றுதல்

எது பிரபலமாகிறது எனப் பார்

காப்பி அடிக்க வேண்டும்

காசு பார்க்க வேண்டும்

கல்லா கட்ட வேண்டும்

நிற்குமா சுழற்சி

அடுத்து எது பிரபலமாகிறது என

உன்னிப்பாகக் கவனி

சுழற்சியைச் சுழற்றிக் கொண்டிரு

*****

அப்படியே இருந்து கொள்ளலாம்

உங்களைத்தான் பார்க்க வந்திருக்கிறேன்

உங்களைச் சுற்றியல்ல

உங்கள் பேச்சைத்தான் கேட்க வந்திருக்கிறேன்

உங்கள் அந்தஸ்து குறைவுகளையல்ல

என்ன சொல்வேன்

உள்ளக் குமுறல்கள்

கூடுதல் குறைவு எவ்வளவோ இருக்கலாம்

இருந்து விட்டுப் போகட்டும்

இயல்பாக இருப்பதற்கும் எதிர்கொள்வதற்கும்

எந்தத் தடையும் இல்லை

அப்படியே இருந்து கொள்ளலாம்

மனதைக் கூட்டிக் குறைத்து சிரமம் வேண்டாம்

*****