நம்பிக்கைதான் எல்லாம்
ஆறரை அடி மனிதர் என்றார்கள்
பாடையில் சென்ற போது
மூன்றே கால் அடி இருந்தார்
மீதி மூன்றே கால் அடி எங்கே
என்று
யாரும் கேட்கவும் இல்லை
கேட்கவும் தோன்றவில்லை
பாடையில் செல்பவருக்கும்
பாதியில் செல்லும் போதும்
பாதியாகச் செல்கிறோம் என்ற
பிரக்ஞையில்லை
காரியம் முடிந்தால்
கிளம்ப தயாராக இருந்தவர்கள்
மீதியைக் கேட்டுக்
காலத்தை நீட்டிக்க விரும்பவில்லை
எரிக்காது போனாலும்
புதைக்காது போனாலும்
மீதி பாதி மட்காமலா போய்
விடும்
நுண்ணுயிர்கள் சிதைக்காமலா
போய் விடும்
என்ற ஆறுதல்
எல்லாருக்கும் இருந்தது
பாடையில் சென்றவருக்கு உட்பட
*****
No comments:
Post a Comment