கணங்கள் பிறப்பது உனக்காக

கணங்கள் பிறப்பது உனக்காக

போனால் திரும்பி வராதது எது என்றால்

உயிர் என்கிறாய்

அஃதில்லை என்றால்

மானம் என்கிறாய்

அஃதுமில்லையென்றால்

பெயர் புகழ் கௌரவம் பெருமை என்று

ஏதேதோ சொல்கிறாய்

அவையும் அப்படியே இருந்து விட்டுப் போகட்டும்

ஆனால் போனால் திரும்பி வராதது பற்றி

நீ அறிந்து கொள்ள வேண்டும்

அது இந்தக் கணம்

இக்கணம் இப்போது மட்டும்

அது இந்தக் கணம் மட்டும்

மற்றொரு கணம் அது மற்றொரு கணம்

ஒவ்வொரு கணமும் போனால் திரும்பி வராது

எந்த ஒரு கணத்தையும்

எதற்காகவும் எவருக்காகவும் விட்டு விடாதே

ஒவ்வொரு கணமும் உனக்காக

உன் பிறப்பிலிருந்து பிறக்கும்

ஒவ்வொரு கணமும் உனக்காக

*****