நினைத்துக் கொண்டிருத்தலும் இறந்து கொண்டிருத்தலும்

நினைத்துக் கொண்டிருத்தலும் இறந்து கொண்டிருத்தலும்

எனக்குத் தெரியும் நீ நம்ப மாட்டாய்

ஒன்று உன்னை நினைத்துக் கொண்டிருக்கிறேன்

அல்லது இறந்து கொண்டிருக்கிறேன்

இறப்பைத் தள்ளிப் போடவே

உன்னை நினைத்துக் கொண்டிருக்கிறேன்

வேறு இதை இப்படியும் சொல்லலாம்

உன்னை நினைத்துக் கொண்டிருப்பதற்காக

உயிர் வாழ்ந்து கொண்டிருக்கிறேன்

உனக்கு இதை எப்படிப் புரிய வைப்பது

ஒரு விபத்துப் பொழுதில்

மரணத்தை நோக்கி முன்னேறிக் கொண்டிருக்கிறேன்

மருத்துவர்கள் தங்கள் நம்பிக்கையைக் கைவிட்டு

நகரச் செல்ல முற்பட்ட போது

உன் நினைவுகள் வந்து உயிர் கொள்கிறேன்

மருத்துவர்கள் அதை மெடிக்கல் மிராகிள் என்கிறார்கள்

எனக்கு மட்டும்தான் தெரியும் அதுதான் என் இயற்கை என்று

உனக்கும் ஒரு நாள் புரியாமலா போய் விடும்

இயற்கை எப்போதும் அப்படிதானன்று

*****