ஐங்குறு ஐந்து
ரொம்ப பெரிய மனிதர் என்கிறார்கள்
பேசினால்
இப்படித்தான் பேராடிப்பாரோ
*
என்ன வாழ்க்கை சார்
ஆசைப்பட்டதை வாங்க முடிகிறதா
வாங்க முடிந்ததை
என்றாவது ஆசைப்பட்டிருக்கிறீர்களா
சார்
*
எனக்கு அவளைப் பிடிக்கவில்லை
அவளுக்கு என்னை பிடிக்கவில்லை
என்னதான் சார் பண்ண
எல்லாரும் பிடித்தா வாழுகிறோம்
ஏதோ வாழுங்கள் சார் ப்ளீஸ்
*
அட்வைஸ் பண்ணா
பிள்ளைங்களுக்குப் பிடிக்க
மாட்டேங்குது சார்
அப்ரிசியேட் பண்ணுங்க சார்
அதைப் பண்ண எனக்கு எங்கே
சார் பிடிக்கிறது
*
மரம் வளர்ப்போம்
மழை பெறுவோம்
வேற ஏதாவது கொடுங்க சார்
*****
No comments:
Post a Comment