ஒரு கல் ஒரு மோதல்

ஒரு கல் ஒரு மோதல்

தடுக்கி விழும் போது ஏனோ

புவியீர்ப்பு விசை சமநிலைக்குப் பொறுப்பேற்காது

பேசாமல் வான வெளியில் வசித்து விடலாம்

ஆக்சிஜன் கிடைக்காது என்கிறார்கள்

நிலவில் வசித்தார் நீர் கிடைக்காது என்கிறார்கள்

இங்கு மட்டும் என்ன

தடுக்கி விழுந்து மண்டை உடைந்தால்

மருத்துவ வசதி லேசில் கிடைக்காது

புல் தடுக்கி மாண்டோர் கதைகள் இங்குண்டு

புல் அடித்து மாளாதோர் கதைகளும் உண்டு

தடுக்கி விழுவது நம் கையிலா இருக்கிறது

அது காலில் இருக்கிறது

நட்ட கல்லும் பேசுமோ என்று சித்தர்கள்

சும்மாவா சொன்னார்கள் சொல்லுங்கள்

கல் அதுவாக மோதாது என்கிறார்கள்

நாம் சென்று மோதிக் கொள்கிறோமே

கல்லுக்கும் நமக்கும் ஆதி கால பகை

இன்னும் இருக்கிறது போலும்

அதற்காக என்ன செய்வது

கல் தோன்றி மண் தோன்றா முன் காலத்தே

முன் தோன்றிய மூத்த குடி அதிர்ஷ்டம் செய்தது

கல்லுக்குள் ஈரம் இருந்தால்

இந்த வேலை செய்யுமோ கல்

*****