கடவுளிடம் பேசுவது மற்றும் அளவளாவுவது
நீங்கள் கடவுளோடு என்றாவது பேசியிருக்கிறீர்களா
பேசாமலென்ன
அவர் பேச வேண்டுமே
கடவுளை எப்போதிலிருந்து உங்களுக்குத் தெரியும்
சரியாக நினைவில்லை என்றாலும்
நான்கைந்து ஜன்மங்களாகத் தெரியும் என்று நினைக்கிறேன்
இந்தப் பிறவியின் டேட் ஆப் மறந்து விட்டாலும்
சற்றேறக்குறைய அது சரிதான்
அவருக்குத் தெரியாமல் இருக்காது
எல்லாருக்கும் கடவுளாக இருப்பதால்
எத்தனை பேரின் விவரங்களை
அவரும் ஞாபகம் வைத்துக் கொள்ள முடியும்
அவரும் பாவம்தான்
ஆலயத்தில் அடைத்து வைத்து
பூஜை புனஸ்காரங்கள் என்று இருப்பதால்
வெளியில் வர நேரம் கிடைக்காமல் அல்லல் படுகிறார்
சரிதான் நாம் சென்று பார்ப்போம் என்றால்
அபிஷேக ஆராதனைகள் முடிவதற்குள் களைத்து விடுகிறார்
நேற்று கொஞ்சம் பேசலாம் என்று உணர்ச்சி வசப்பட்டு விட்டார்
அன்று அவருக்கு மௌன விரதம் இருப்பது அறியாமல்
*****
No comments:
Post a Comment