முழுமை மட்டும் அறிந்த ரகசியம்

முழுமை மட்டும் அறிந்த ரகசியம்

காலத்தைத் தேர்ந்தெடுத்திருக்கிறேனா

அப்படித் தோன்றுவில்லை

காலம்தான் தேர்ந்தெடுத்திருக்கிறது

காலம் பெற்றெடுத்த சிறுகுழந்தை பிறவிகள்

எல்லைகளைப் புரிந்து கொள்வது ஒரு தோற்றம்

தோற்றத்தை மறைத்து விரிவன எல்லைகள்

எல்லைகளோ எல்லை இல்லாதது என்பதை அறிவதேது

இருட்டு முழுவதையும் வெளிச்சமாக்கி விட்டதாக நினைக்கும்

வெளிச்சம் ரொம்பவே சிறிது

இருண்மை பெரிது என்பதற்காக வெளிச்சம் சோர்ந்திடாது

அடக்கத்திற்காக எதுவும் சொல்லப்படுவதில்லை

உண்மையின் அடக்கமே இதுதான்

முழுமையை எப்போதும் நிரம்பாது

முழுமையின் ஒரு சிறு பகுதியை நிரப்புவதாகத் தோன்றலாம்

எப்போது எதையிட்டு நிரப்ப வேண்டும் என்பது

முழுமை மட்டுமே அறிந்த ரகசியம்

*****