தேநீர்க் கோப்பைகள்

தேநீர்க் கோப்பைகள்

காகிதக் கோப்பையில் நீ தந்த தேநீர் மிச்சமிருக்கிறது

கிளம்புவதற்கு முன் கோப்பையைத் தூக்கி

குப்பைத் தொட்டியில் போட்டு விடுங்கள் என்றாய்

நான் என் பிரியங்களைப் போட்டு விட்டு விடைபெற்றென்

எப்போதோ சந்திக்கும் சந்திப்புகளில்

உனக்கான தேநீர்க் குவளையைச் சுமந்ததும்

பருகி முடித்த பின் வாங்கிச் சென்றதும் நான்தான்

உன் வீட்டின் அலமாரிகளை

அழகான தேநீர்க் கோப்பைகள் அலங்கரிப்பது அறிவேன்

அத்துடன் எனக்கான காகிதக் கோப்பை இருப்பதும் அறிவேன்

என் வீட்டில் இருப்பதோ எல்லாருக்குமான தேநீர்க் குவளைகள் மட்டுமே

*****