ரகசிய மொட்டின் நறுமணம்

ரகசிய மொட்டின் நறுமணம்

முடியுமானால் முத்தத்தைத் திருடிக் கொண்டு

ஓடி விடு என விரட்டியவள் நீ

வெளியில் சொல்ல வெட்கப்படுவேன் என

நினைத்த உன் தைரியக் கணிப்புத் தவறாகி விட்டது

காற்றிடம் சொல்லாத ரகசியத்தை

ஒளி முன் ஒப்படைக்காத காட்சியை

இருட்டுச் சூன்யத்தில் ஒளிந்த கடுங்கருப்பை

விண்மீன்கள் பறித்து மேகத்தில் தூவி விட்டன

களவுமழைப் பொழிந்து செழித்த

பூக்களில் மலர்ந்த நறுமணத்தை

முத்தத்தின் வாசனையென கண்டு கொண்டு

சண்டையிட வரும் போது

விரட்டியவளே நீ தேடிக் கண்டுபிடிக்க

முயற்சித்துக் கொண்டேயிரு

அகப்படாமல் தப்பித்து நான்

உன்னிலன்றோ ஒளிந்திருப்பேன்

*****