குய(ழ)ந்தைப் போல அழுதவன்

குய(ழ)ந்தைப் போல அழுதவன்

நான் சொன்னதற்கு

நீதான் நம்ப மாட்டேன் என்றாய்

நாம் அப்படியல்ல என்றாய்

இப்போது போல

எப்போதும் மாறாதிருப்போம் என்றாய்

அதுதான் மனுசத் தனம் என்று

கண்ணீர் விட்டு அழுதாய் குய(ழ)ந்தைப் போல

தேவையா அதெல்லாம்?

பார்க்கும் போதெல்லாம்

முகத்தைச் சுருக்கி

எங்கோ தூக்கி வைத்துக் கொள்கிறாய்

எதுவும் பேசாமல் இருந்திருக்கலாமோ

என நினைத்துக் கொண்டிருக்கிறாய் என்பது

எனக்குத் தெரியும்

என்ன செய்ய

நாமெல்லாம்  கொள்கைவாதிகள்

காசு கிடைத்தால் தூக்கி எறியும் வரை

*****