காலக் கணக்குகள்

காலக் கணக்குகள்

ரவியும் தியாவும் மிக மிக நல்லவர்கள்

விவாகரத்து வாங்கிக் கொண்டார்கள்

மிக மிக நல்லவர்கள்

ஏன் விவாகரத்து வாங்கிக் கொண்டார்கள்

என்று கேட்கப்பட்டதற்கு

மிக மிக கெட்டவர்கள் என்றால்

ஒன்றாக இருந்து குடும்பம் நடத்தியிருப்பார்கள்

என்ற பதில் சொல்லப்பட்டதும்

காதலில் விழுந்து லிவிங் டுகதெரில் இருந்த

நவீனும் இஷாவும் விழுந்து விழுந்து சிரித்தார்கள்

தாம்பத்திய கசப்புகள்

பேப்பராக மாற்றப்படும் என்று

தன் பங்கிற்கு விழுந்து விழுந்து சிரித்த

கால தேவனின் கையில் இருந்தது

நவீன் இஷாவின் திருமணப் பத்திரிகையும்

அதற்குப் பிறகான விவாகரத்து நோட்டீசும்

*****