பொம்கைளால் பொம்மைகளுக்காக...

பொம்கைளால் பொம்மைகளுக்காக...

நிறைய பொம்மைகள்

வாங்கிக் கொடுத்து விட்டதாக

அலுத்துக் கொள்கிறாய்

நான் அடம் பிடிப்பதாக

குற்றம் சாட்டுகிறாய்

உன் பொம்மைகள்

என்னை அச்சுறுத்துவதை சொன்னால்

அப்படித்தான் இருக்கும்

பொறுத்துக் கொள் என்கிறாய்

பொம்மைகளை எதிர்த்து

மனிதப் பொம்மைகள் போராடுவது

தடை செய்யப்பட்டிருப்பதாக

உன் அறிவிப்பு வந்த பின்

எம் குரல்கள் கேவல்களாக

நீ வாங்கித் தந்த பொம்மைகள்

எம்மை வைத்து விளையாடிக் கொண்டிருக்கின்றன

*****