ஹாரன்கள் ஒலிக்கின்றன

ஹாரன்கள் ஒலிக்கின்றன

மொய்த்துக் கொண்டிருக்கும்

எறும்புக் கூட்டம்

கொலைக்கான தடயத்தை

நக்கிக் கொண்டிருக்கின்றன

இரத்தக் கவிச்சி வீசும் காற்று

அவ்விடம் வருவோர்களிடம் சொல்ல

எத்தனித்துப் பார்க்கிறது

எதுவும் நடக்காதது போல்

பறவைகள் பறந்து கொண்டிருக்கின்றன

மர்மங்கள் துலங்காமல்

மறைந்து போன மனிதர்கள்

அமானுஷ்யக் காட்டில்

அதிக எண்ணிக்கையில்

உலவிக் கொண்டிருக்கிறார்கள்

சிறிது தொலைவிலுள்ள

நெடுஞ்சாலையில் வாகனங்கள்

சீறிப் பாய்ந்து கொண்டிருக்கின்றன

சாப்பறையைப் போல

ஹாரன் சத்தம் ஒலித்துக் கொண்டிருக்கிறது

*****