தலைவன் சொல் தெளிந்த தலைவி

தலைவன் சொல் தெளிந்த தலைவி

முத்தமிடத் தொடங்குகையில்

சூடுதான்

மேலே மேலே போகப் போக

குளிர்ந்து விடும் என்று

வெயில் சொன்னதை நம்பி

அதற்கு இடம் கொடுத்து

வறண்டு போனது

பாளம் பாளமாய் வெடித்த குளம்.

சொன்ன சொல் தவறாமல்

ஒரு நாள்

மேகமாய்ப் பொழிந்த வெயிலை

தன்னுள்

போதும் போதும் எனும் அளவுக்கு

தண்ணீராய் நிரப்பிக் கொண்டது

தாகம் அடங்காத குளம்.

*****