நியூட்டனின் நான்காம் விதி

நியூட்டனின் நான்காம் விதி

குளக்கரையிலிருந்து எறிந்த கல்

ஒவ்வொன்றாக மூழ்கிக் கொண்டிருக்கிறது

தலை மேல் விழுந்த ஆப்பிளை

நியூட்டன் ஆராய்வது போல்

அவன் ஆராய்ந்து கொண்டிருந்தான்

கவலைகளின் கனத்தால்

கற்கள் மூழ்குவதாக

ஒரு முடிவுக்கு வந்தவனாய்

எழுந்து சென்றான்

அன்றிலிருந்து

ஒவ்வொரு கவலைக்கும்

ஒவ்வொரு கனம் உண்டு என்ற

நியூட்டனின் நான்காவது விதி

பிரபலமானது.

*****