பேச்சுகள்
ஆயுத வியாபாரிகள்
சமாதானம் பேசினார்கள்
"சமாதானத்திற்காக ஆயுதம் ஏந்துவோம்!"
*****
ஏக்கம்
அம்மா இல்லாத
நிலவு
ஏக்கத்துடன் பார்க்கும்
குழந்தைக்கு ஊட்டிக் கொண்டிருக்கும்
அம்மாவை!
*****
சனநாயகம்
தோற்றவனும் வரவில்லை
ஜெயித்தவனும் வரவில்லை
தொகுதிக்குள்
தேர்தல் வரும் வரை!
*****
சுயம்
பேசக் கற்றுக் கொண்ட கிளி
ஒருநாளும் பேசவில்லை
கதவைத் திற என்று.
*****
No comments:
Post a Comment