ப்ளாட்பார அடிகள்
காம்பௌண்ட் சுவருக்குள் வீடு
வீட்டுச் சுவருக்குள் ரூம்கள்
ரூம் சுவருக்குள் கேபின்கள்
கேபின்களுக்குள் குறுக்குத்
தடுப்புக்குள்
சிறு சிறு அலமாரிகள்
அலமாரிகள் ஒவ்வொன்றுக்கும்
கதவுகள்
எத்தனை கதவுகள்
எத்தனை பூட்டுகள்
இவ்வளவு இருந்தும் கூர்க்கா
காவல் வேண்டும்
போலீஸ் காவல் வேண்டும்
சிசிடிவி காமிராக்கள் தொடர்ந்து
இயங்க வேண்டும்
ப்ளாட்பாரத்தில் படுத்திருப்பவனைக்
கேட்டால்
கதவாவது மண்ணாவது
பூட்டாவது பூரானாவது
பாதுகாப்பாவது பந்தோபஸ்தாவது
என்கிறான்
ப்ளாட்பாரவாசி ஆவது சாதாரணமல்லவே
என்றால்
எனக்கும் ப்ளாட்பார்ம் பட்டா
போட்டுத் தாருங்கள் என்கிறீர்கள்
*****
No comments:
Post a Comment