அடி முடி காணல்
முடி கொட்டி விட்டால் எவ்வளவு நன்மை
ஷாம்பு செலவு மிச்சம்
சோப்பையே தலைக்கும் தேய்த்துக் கொள்ளலாம்
எண்ணெய் செலவிலும் சீப்பு செலவிலும்
கணிசமாக மிச்சம் செய்யலாம்
முடி வெளுக்கும் என்ற கவலையில்லை
டை அடிக்க வேண்டிய அவசியமும் இல்லை
மழையில் நனைந்தால்
தலை துவட்டிக் கொள்ள வேண்டியதில்லை
யாராவது கொட்டும் முடிக்காகச் செலவு செய்வார்களா
அமேசான் காடுகளிலும் அண்டார்டிகா பனிமலைகளிலும்
மருந்து தேடுவார்களா
கேசாதித் தைலங்கள் நாடி ஓடுவார்களா
சொட்டைத் தலையர்கள் என்று சொல்வார்கள்
மண்டையில் முடி உள்ளவர்களும்
மண்டை முடிக்காகச் செலவு செய்பவர்களும்
இருப்பவர்கள் ஆயிரம் சொல்லட்டும்
இல்லாதவர்களுக்கு என்ன கவலை வேண்டிக் கிடக்கிறது
கவலைப்பட்டுக் கொட்ட முடி இல்லாத போது
*****
No comments:
Post a Comment