திசை தப்பலின் பின்னுள்ள பாதைகள்

திசை தப்பலின் பின்னுள்ள பாதைகள்

அடிப்படையில் எதையும் எதுவும் செய்ய முடியாது

முடிவில் உண்டாவதைத் தடுக்க முடியாது

ஆழ்மனதில் பதிந்து விட்டபடி நடப்பவைகளின்

தொடர்புகள் அவ்வளவு எளிதில் விளங்காதவை

விருப்பத்தின் நம்பிக்கைகள் திசை தப்பக் கூடியவை

நீங்களே நினைத்தாலும் மாற்றிக் கொள்வது அசாத்தியமாகலாம்

எதிலும் உண்மைகள் இல்லாமல் இல்லை

எல்லா உண்மைகளும் உங்களுக்குப் பயன்படாத உண்மைகள்

மீண்டும் மீண்டும் சுட்டிக் காட்டப்படுவதால்

உண்மைகள் வெறுப்புக்கு உள்ளாகின்றன

உங்களுக்கான உண்மை என்பது வேறு

அதை மற்றவர்களின் உண்மையில் தேட முடியாது

அடுத்தடுத்து நடந்து கொண்டே இருங்கள்

உங்களுக்கான உண்மைகள் புலப்படும்

உண்மைகளை எங்கும் தேடாதீர்கள் யாரிடமும் எதிர்பார்க்காதீர்கள்

தீவிரத் தேடல் தவற விடவும் செய்கிறது

எதிர்பார்ப்புகள் நிறைவுறும் புள்ளியில் ஏமாற்றத்தைத் தருகின்றன

நீங்கள் உங்கள் காலத்தில் நடந்து கொண்டிருக்கிறீர்கள் என்றால்

அவரவர்கள் அவரவர் காலத்தில் நடந்து கொண்டிருக்கிறார்கள்

யாரும் யாருடைய காலத்திலும் நடக்க முடியாது

*****