நிகழ்த்துக் கலையின் சூட்சமங்கள்

நிகழ்த்துக் கலையின் சூட்சமங்கள்

முன்பு அவர்களை நல்லவர்களாக நினைக்க வைத்ததுதான்

இப்போது அவர்களைக் கெட்டவர்களாக நினைக்க வைக்கிறது

அவர்களைப் பற்றி எதுவும் நினைத்திருக்க வேண்டியதில்லை

அவர்கள் நல்லவர்களாகவோ கெட்டவர்களாகவோ

எப்படியோ இருந்து விட்டுப் போகட்டும்

இனிவரும் காலங்களிலும் எப்படியோ இருந்துத் தொலையட்டும்

நல்லவர்களால் நல்லன நிகழ்ந்து விடும் என்றும்

கெட்டவர்களால் கெடுதல் நிகழ்ந்து விடும் என்றும்

நினைக்கும் எண்ணங்களால் ஏதோதோ

சம்பந்தம் இல்லாமல் வாழ்க்கையில் நிகழ்ந்துவிடுகின்றன

நல்லவர்கள் மத்தியில் கெடுதல்களும்

தீயவர்கள் மத்தியில் நன்மைகளும் மாறி மாறி நிகழ்ந்து விடுகின்றன

நிகழ்த்தும் முயற்சி எல்லாவற்றையும் மாற்றுகிறது

எண்ணம் வெறுமனே உட்கார்ந்து ஏமாற்றிக் கொண்டிருக்கிறது

எண்ணங்கள் எப்படி வேண்டுமானாலும் மாறும்

மாற்றிய பிறகும் வேறு விதமாக மாறும்

நிகழ்த்தும் முயற்சி ஒன்றே ஒன்றை மட்டும் சொல்கிறது

அது நிகழ்த்துவதை மட்டுமே சொல்கிறது

*****