பித்தேறிய மிருகங்கள்

பித்தேறிய மிருகங்கள்

உடலுக்கு அலையும் மிருகங்கள்

தின்று துப்பியது போக

எஞ்சிய உடல் மீதம் இருக்கிறது

மீண்டும் பசியெடுக்கும் போது

மீதமிருக்கும் உடலுக்காகத் தேடி வரும் மிருகங்கள்

தின்று துப்பிப் போகின்றன

உயிரென்ற ஒன்று இருக்கும் வரையில்

மீதமிருக்கும் உடலைச் சுமக்கும் வாதை வருத்துகிறது

உயிர்ச்சுமை பிரிந்த நிம்மதியான பொழுதில்

செத்து விட்ட உடலை

புழுக்கள் தின்று தீர்க்கின்றன

மீதம் வைத்த உடலுக்காகத் தேடி வந்த

காமப் பித்தேறிய மிருகங்கள்

ஏமாந்து திரும்புகின்றன

*****