குனிவு
தாத்தாவுக்கு விழுந்த
கூன்
நிமிரவேயில்லை
மகன் சம்பாத்யத்தில்
மருமகள் கையால்
சாப்பிட ஆரம்பித்தப்
பிறகு.
*****
மட்பாண்டங்கள்
உடைவதோ
உடையாமல் இருப்பதோ
மட்பாண்டங்கள் தாங்கும்
கைகளின் அக்கறையில் இருக்கிறது.
உடைந்து விடும்
மட்பாண்டங்களுக்காகத்தான்
என்ன செய்து விட முடியும்
ஒரு புது மட்பாண்டம்
வாங்குவதையோ
அல்லது
அதற்குப் பதில்
ஒரு எவர் சில்வர் பாண்டத்தையோ
நிரப்புவதைத் தவிர.
எளிதில் உடைந்து விடும்
குழந்தைகள்
மட்பாண்டம் போன்றவர்கள்.
*****
No comments:
Post a Comment