உயிரின் கடைசிச் சொட்டு

கவித்துவம்

மரபுக் கவிதை

ஓரடிக்கு நான்கு வார்த்தை

நவீனக் கவிதை

ஓரடிக்கு ஒரு வார்த்தை

*****

பஞ்ச தந்திரம்

ரேஷன் அரிசி

இலவசமாகக் கிடைக்கும் போதே

தோசைமாவின் விலையை

ஏற்றி விட்டார்கள்

*****

கடி

கொசுவைக் கொன்று போட்டது

என்னைக் கடித்துக் கொண்டிருந்தது

என்பதற்காகவும்

கூடுதலாக

என்னையே கடித்துக் கொண்டிருந்தது

என்பதற்காகவும்

*****

உயிரின் கடைசிச் சொட்டு

அதற்கு மேல் பணமில்லை என்பதை

அறிந்தோ என்னவோ

குளுக்கோஸ் புட்டியின்

கடைசிச் சொட்டில் பிரிந்தது

ஆயாவின் உயிர்

*****