சொல்லில் அலையும் விஷம்

சொல்லில் அலையும் விஷம்

சொல்வதற்கு

உன்னிடம் வெறுப்பின் கதைகள் இருக்கின்றன

என் அன்பின் செவிகள்

கேட்டுக் கொண்டே இருக்கும்

எவ்வளவு வெறுப்பைக் கக்கினாலும்

கக்குவதில் கொஞ்சமேனும் குறையுமானால்

கேட்பதால் உண்டாகும் நஞ்சு

என்னை என்ன செய்து விடும்

*****

 

கால ரயிலின் வாசிப்புப் பயணம்

ஓடிக் கொண்டிருக்கும் கடிகாரம்

நின்று விடுவது போல

நின்று விட்ட கடிகாரம்

ஓடுவது போல

காலத்தை ஏற்றிக் கொண்டு

தொடர்வண்டி ஓடிக்கொண்டும்

நின்று கொண்டிருப்பதுமாகத் தோன்றுகிறது

ஒரு காலத்தில் படிக்க முடியாத வாழ்க்கையின் புத்தகத்தை

இந்த ரயில் பயணத்தில்

படிக்க முடிகிறது

ஒரு விஷேஷ மனநிலை பூத்திருக்கிறது

இப்படியே கால ரயிலில் பயணித்துக் கொண்டிருந்தால்

வாழ்க்கையின் பக்கங்கள்

வாசிக்கப்பட்டுக் கொண்டே இருக்கும் போல

*****