சௌக்கிய மண்ணாங்கட்டி

சௌக்கிய மண்ணாங்கட்டி

சௌக்கியமா

டாக்டரைக் கேட்க வேண்டும்

என்ன இப்படிச் சொல்லி விட்டீர்கள்

அவர்தான் சொல்ல வேண்டும்

சீக்கிரம் பாருங்கள்

பணமிருந்தால் பார்க்க மாட்டேனா

அடடா அப்படியா சேதி

இப்போதெல்லாம் நாமாக என்ன சொல்ல முடிகிறது

வாஸ்தவம்தான்

உங்கள் கேள்விக்கு பதிலொன்றும் சொல்ல முடியவில்லை பாருங்கள்

அதனாலென்ன சௌக்கியத்திற்கு ஒன்றும் குறைச்சல் இருக்காது

டாக்டரைப் பார்க்க வேண்டாமா

அவரே சௌக்கியம் இல்லாமல்தான் இருக்கிறார்

இதென்ன புதிதாக இருக்கிறது

காசு கொடுத்துத் தெரிந்தென்ன போகிறது

காசில்லாதவர்கள் சௌக்கியமாகத்தான் இருந்தாக வேண்டும்

நூறாயுசு நன்றாக இருப்பீர்கள்

ஓ அப்படியா சங்கதி

எல்லாரும் ஒரு நாள் போய்ச் சேரத்தான் வேண்டும்

பிறகென்ன சௌக்கியமாவது மண்ணாங்கட்டியாவது

*****